事源2022年正值香港移民潮，好多中產收藏家急住賣走好多收藏品，有一日學生send 相我睇，話梳化有bass放喎。
一睇張相，嗰種喜悅感仍然回味。
立即txt msg 問價，當時心目中都預兩萬中起跳。
等待msg 既時候，心情非常緊張💗，究竟會唔會俾人搶先一步。
一睇到回覆，<嘩！>冇考慮嘅餘地，即決🤣
重多口問句，收唔收消費券🤭。
過幾日落住滂沱大雨下飛的岀去佐敦接佢返黎。
點解我會咁興奮，話說一向對Ash Maple Jazz Bass 有情意結🤫一路都想試Fender Custom shop 既70‘s jazz bass 會係咩Level ，如果大家有留意嘅話都會知道，CS 通常岀60’s spec ，70’s 只係岀過一兩批。我呢支就係2006年限量100支，重要靚價靚木紋。
返到公司第一時間梗係換Pack DR 線啦，插Amp一Slap 落去，「仆街」咁普通既，嗰種心情既反差，唉😮💨
不過近幾年不停瘋狂改裝累積到嘅經驗，應該有得救既🙈。結果額外Bid左對原年76 Jazz bass Pickup （又無幾千），除左三粒Pot無換到，之後加左Treble bleed /1950年鍍線/vintage cap。再打磨頸邊Binding ，係呀-兩條邊介手架☹️
