玩樂器講級數真係只可以用嚟呃啲唔識既人。
本身分級制度既岀發點，放咗喺商業社會，已經完完全全變咗質。
純粹係商家佬既商業技倆，同埋家長自high既指標。
當把關條線一路下降，級數重有冇參考價值？
十幾年前教琴行，為咗應付老闆們既虛榮心，就會為考級而考級，打機升Level 咁上。考完三級就接住五級八級。
當然有啲教野為生既人，將考試書變成教材，係架，搵食吖嘛!!
最離譜我見識過係印張紙都費事。
過程當中可能會有進步嘅，不過吸收幾多就貴客自理了。
不過如果想再進步想上到更加高嘅位置，就真係唔好心存幻想。
黎得搵我嘅學生，佢哋好有心想技術上更進一步，亦唔介意砍掉重練。
經常岀現既問題離唔開
手型錯得離譜，彈野冇tone ，指法亂咁嚟，拍子炒埋一碟，樂理一知半解 。
每個奇難雜症都需要用一段長時間先可以改善。
都未計其他概念上唔清晰，集中力，精神狀態，等等等等。
學咩樂器都好，萬事起頭難，起錯頭要改正更係難上加難。
到你醒覺嘅時候，好多時已經為時已晚。
Commentaires